Tërmeti i 26 nëntorit bëri bashkë shumë shqiptarë në të gjithë globin.
Shumë shoqata dhuruan fonde për të prekurit nga tërmeti, të cilët humbën shtëpitë dhe njerëzit më të afërt.
Së fundmi, frymën humanitare e kanë treguar edhe shqiptarët e Australisë.
Ata kanë mbledhur mbi 255 mijë dollarë ndihma, të cilat do t’u shkojnë të prekurve nga tërmeti.
“Albinfo” shkruan, se diaspora shqiptare në Australi është një nga komunitetet më të angazhuara, për të ndihmuar të prekurit nga tërmeti.
Për dy javë ata kanë mbledhur mbi 255 mijë dollarë ndihma, ndërsa fushata vazhdon ende.
Komuniteti shqiptar në Australi vazhdon të ruajë vlerat kombëtare dhe kjo dëshmohet me Festivalin Shqiptar në Melburn, i cili zhvillohet për afro 3 dekada.
