Kryeprokurori i ri Olsian Çela premtoi se Prokuroria do të spikasë në hetimet për tërmetin.
Në fjalën e parë, në detyrën e re Çela tha se do të punojë që të kthejë besimin e njerëzve te drejtësia.
Sipas tij, me ngritjen e institucioneve të reja të drejtësië, ekziston mundësia për t’i dhënë vendin një të ardhme më të mirë.
Çela gjithashtu u shpreh, se Prokuroria si institucion duhet të jetë transparente për median dhe publikun.
Kryeprokurori i ri përgëzoi edhe paraardhësen e tij, për punën e bërë gjatë dy viteve.
“E vlerësoj për transparencën që ne si institucion duhet të kemi ndaj medias dhe publikut. Unë e falenderoj Markun për punën e bërë gjatë këtyrë dy viteve dhe për këtë që ka bërë. Marku ka punuar në një fazë tranzicioni dhe ka bërë më të mirën e mundshme. Tani jemi në një fazë të re, pasi po ngrihen institucionet e drejtësisë. Besoj se janë mundësitë, ekziston mbështetja për t’i dhënë vendit një të ardhme më të mirë, që Shqipëria të bëhet pjesë e BE. Rezultatet e punës sonë kanë një rëndësi të jashtëzakonshme. Në këto kushte unë mendoj se ka tashmë mundësi përmes të cilave që prokuori të ndryshojë, për t’i dhënë jetë ideve të reja dhe të arrijmë ato që të gjithë presim me padurim. Vendi po përballet me një krizë, për shkak të ngjarjeve në fund të muajit nëntor, dhe përgjigja që duhet të japë prokuroria duhet të spikas. Njerëzit kërkojnë drejtësi, prandaj kjo kërkon një angazhim maksimal dhe të tregojmë se jemi në lartësinë e duhur”, u shpreh Çela.
