Prokurorja e Përgjithshme e Përkohshme, Arta Marku, i ka dorëzuar sot detyrën kryeprokurorit të ri të përgjedhur nga Kuvendi, Olsian Çelës.
Ky i fundit mori 101 vota gjatë votimit të djeshëm dhe ishte i pari në listën e KLP.
Gjatë fjalës së Marku falenderoi të githë prokurorët, organizmat e huaj dhe mediat.
Më tej ajo tha se ka besim tek Çela dhe është e lumtur që do t’ja dorëzojë detyrën shokut të klasës.
Sipas Markut sistemi i drejtësisë është në process të thellë reformimi, duke qenë se disa institucione mungojnë.
“Sistemi i drejtësisë është në një proces reformimi të thellë. Disa institucione mungojnë. Pavarësiasht kësaj jam munduar që të punoj me përkushtim dhe integritet. Falenderoj të gjithë prokurorët dhe stafin që më kanë ndihmuar në këto dy vite. Falenderojë OPDAT dhe EURALIUS për bashkëpunimin. Falenderoj dhe median për hapësirën që me këni dhënë, qoftë kur ka qenë dashamirës dhe më pak dashamirës. Kam besim dhe me prkurori i ri, Prokuroria do ecë përpara dhe jam e lumtur që detyrën ja kalojë një shokut tim të klasës”, tha Marku.
Nga ana e tij, Çela u shpreh se do të punojë për të kthyer besimin e njerëzve tek drejtësia.
Më tej ai shtoi, se Prokuroria do të spikasë në hetimet për tërmetin.
