Dy persona janë arrestuar dhe një tjetër është shpallur në kërkim, për prostitucion në Korçë.
Aksioni i policisë u zhvillua pas rastit të transmetuar në emisionin investigativ “STOP”, ku një 16-vjeçare shfrytëzohej për prostitucion.
Njëkohësisht është proceduar edhe një 41-vjeçare, e cila është pronarja e lokalit ku zhvillohej aktiviteti.
Në videon e transmetuar, 16-vjeçarja prostituonte në këmbim të 50 mijë lekëve të vjetra.
Si pasojë e shfrytëzimit ajo kishte lindur një vajzë 6-muajshe.
Gazetari i STOP i i nfiltruar, arrin të komunikojë edhe me dy tutorët të quajtur Laci dhe Mario.
Materialet poceduriale i kaluan Prokurosë së Korçës për veprime të mëtejshme.
Njoftimi i policisë
Specialistët e Seksionit për Trafiqet e Paligjshme në Drejtorinë Vendore të Policisë Korçë, duke marrë shkas, nga rasti i transmetuar në datën 15.10.2019, në emisionin investigativ “Stop”, bënë ndalimin e shtetasve Dh. K, 53 vjeç dhe L.D, 33 vjeç.
Gjithashtu shpallën në kërkim shtetasin R.T, 19 vjeç, banues në Korçë, si edhe filluan procedimin penal në gjendje të lirë ndaj shtetases K.K., 41 vjeçe, banuese në fshatin Boboshticë, Korçë, pasi në bashkëpunim mes tyre, kanë shfrytëzuar për prostitucion një shtetase të mitur, në lokalin e 41-vjeçares.
Materialet në ngarkim të tyre i kaluan Prokurorisë pranë Gjykatës të Shkallës së Parë Korçë për veprime të mëtejshme.
