Detaje të reja kanë dalë në dritë nga ngjarja e rëndë që u regjistrua ditën e djeshme në Klos.
Sali Dakuci vrau me armë zjarri vëllanë e tij Kujtim Dakucin, nipin Flogert Dakucin dhe më pas vetën.
Siç shkruan “Balkanweb”, sherri nisi për gardhin që ndante banesat e vëllezërve.
Motra e viktimave, e quajtur Life, kishte udhëtuar nga Manza e Durrësit drejt Klosit, për të vizituar babanë 85 vjeç.
Mes lotësh ajo tregon se masakra ishte regjistruar për 20 minuta.
Ajo u kishte thënë vëllezërve të mos zihen për gardhin, pasi kanë babanë e sëmurë.
Lifja shprehet se djali i Kujtimit kishte ndërhyrë pasi pa të atin të vdekur dhe në këtë moment krisma i mori edhe atij jetën.
Më tej vijon motra, Saliu i dha fund jetës te banesa e vjetër në kuzhinën e tij.
“Erdha për vizitë në Xibër se kemi babain sëmurë. I dëgjova të dy vëllezërit duke u zënë dhe dola jashtë e u thash; Mos u zini për gardhin, por eja shihni babain se është sëmurë. Duke u ngjitur nëpër shkallë (banesa e vjetër dy-katëshe), pasi ecja me ngadalë se kam sëmurë këmbën, dëgjova një krismë arme. Pash nga sipër Kujtimin të shtrirë përtokë. Më pas djali i Kujtimit, nipi im, iu sul Saliut duke thënë; “ça bërë?”. Dhe më pas dëgjova krismën tjetër…e pash nipin që u shtri përtokë. Më pas Saliu u largua nga banesa dhe u fut në një parcelë më misër dhe më pas kur pas 20 minutash dëgjova një tjetër krismë brenda tek banesa e tij (një kuzhinë e vjetër). Kur shkuam aty bashkë me gruan e Saliut, e pamë atë përtokë të mbuluar në gjak dhe pa shenja jete. Kishte qëlluar veten me plumb në kokë”, rrëfen mes lotësh motra e dy viktimave.
