Një plagosje me armë zjarri u regjistrua mbrëmjen e djeshme në kryeqytet, në zonën e Yzberishtit.
Në lidhje me këtë ngjarje policia ka arrestuar të riun me iniciale I.A., ndërsa ka shpallur në kërkim në tjetër me iniciale F.A.
Nga veprimet hetimore, rezulton se këta shtetas, kanë plagosur në dorë 24-veçarin me iniciale D.V.
Nga kontrolli i ushtruar në banesën e shtetasit F.A., policia gjeti dhe sekuestroi në cilësinë e provës materiale dy thika.
Materialet i kaluan Prokurorisë së Tiranës për veprime të mëtejshme.
Njoftimi i policisë
Tiranë
Policia zbardh ngjarjen e ndodhur mbrëmjen e djeshme në Yzberisht
Specialistët për Hetimin e Krimit në Komisariatin e Policisë Nr. 6 , pas një pune intensive kanë bërë të mundur zbardhjen e ngjarjes së ndodhur mbrëmjen e djeshme në Yzberisht Tiranë, ku u plagos në dorë me armë zjarri shtetasi D. V., 24 vjeç, banues në Tiranë.
Si rezultat i reagimit në kohë dhe veprimeve hetimore të kryera u bë identifikimi, kapja dhe arrestimi i shtetasit I. A., 24 vjeç, si dhe shpallja në kërkim e shtetasit F. A. dhe vijon puna për kapjen e tij.
Nga veprimet e para hetimore rezulton se më datë 25.09.2019, rreth orës 22.45 në rrugën e Qelqit, dyshohet se këta shtetas kanë qëlluar me armë zjarri dhe për pasojë është plagosur në dorë shtetasi D. V., jashtë rrezikut për jetën.
Nga kontrolli i ushtruar në banesën e shetasit F. A., Policia gjeti dhe bllokoi në cilësinë e provës materiale dy thika, të dyshuara si armë të ftohta.
Materialet i kaluan Prokurorisë për veprime të mëtejshme.
