Përfundon mbledhja e parë e KLP-së: Zbulohet emri i kryetarit

Këshilli i Lartë i Prokurorisë zhvilloi mbledhjen e parë , ku u zgjodh sot kryetari i këtij institucioni. Në krye të KLP-së, u zgjodh Genti Ibrahimi me shtatë vota pro, i cili vjen nga bota akademike në radhët e pesë të zgjedhurve jo magjistratë.

Mbledhjen e drejtoi gjyqtari Nurihan Seiti, ndërsa e pranishme ishte edhe kryeprokurorja Arta Marku. Në vijim do të zgjidhet edhe zv.kryetari i KLP, ndërsa javën e kaluar u zgjodhën edhe anëtarët e këtij institucioni.

Tre anëtarët e KLP-së nga prokuroritë e shkallëve të para:

Gentian Osmani, nga Prokuroria e Krimeve të Rënda.

Antoneta Sevdari, nga prokuroria e Tiranës.

Ndërsa nga prokuroritë e rretheve është zgjedhur prokurori i Elbasanit, Besnik Cani.

Nga Prokuroria e Apelit, janë shpallur automatikisht fituesit:

Bujar Sheshi, prokuror i Apelit të Krimeve të Rënda Tiranë;

Arben Dollapaj, prokuror i Apelit Shkodër.