Shqipëria është shteti më i varfër në botë për të ardhurat për frymë, bazuar në fuqinë blerëse për vitin 2017.
Të dhënat janë publikuar në Librin Vjetor të Eurostat, shkruan “Monitor”. Konsumi për frymë në Shqipëri, nuk është as sa një e treta e mesatares së BE-së.
Rajoni më i varfër i Europës është veriu i Shqipërisë, me të ardhura sa 22.7% e mesatares europiane.
Bazuar në këtë përqindje, për çdo 100 euro që fiton një europian, një banor i veriut të Shqipërisë merr 22.7 euro.
Ndërsa jugu i Shqipërisë ka të ardhura sa 28.25% e mesatares europiane.
Më e mirë paraqitet situate në Shqipërinë e mesme, ku ky tregues shënon 32.8%.
Përsa i përket rajonit, Mali i Zi i ka të ardhurat sa 38.7% e mesatares europiane, ndërsa Maqedonia sa 34.7%.
Diferenca të mëdha ka edhe në Serbi, ku në zonën e Beogradit, të ardhurat janë sa 62.5% e mesatares europiane, ndërsa jugu i vendit zbret deri në 24%.
