“Balluku emëron ministra dhe kërcënon Ramën”/ Ahmetaj zbulon luftën brenda qeverisë: Kryeministri është nën presionin e zëvendëses së tij

Arben Ahmetaj ka bërë një nga deklaratat më të forta për raportin e pushtetit mes Edi Ramës dhe Belinda Ballukut, duke thënë se kjo e fundit jo vetëm emëron ministra, por arrin deri aty sa të kërcënojë kryeministrin nëse ai prek njerëzit e vendosur prej saj në qeveri.

Sipas Ahmetajt, pushteti i Ballukut nuk kufizohet te kabineti qeveritar. Ai thotë se struktura e ngritur mes saj dhe Ramës vazhdon e paprekur në AKSH, në sektorin e energjisë dhe në Kadastër dhe, sipas tij, sot është “më e fortë se kurrë”.

“Nuk ka zgjedhje me këtë, sepse ka vjedhur rregullat e lojës. Paratë e kanë zhdukur fushën. Struktura e Belinda Ballukut dhe e kreut të organizatës dhe në AKSH, dhe në energji dhe në Kadastër është e fortë e vazhdon. Struktura nuk është cenuar. Struktura është më e fortë se kurrë.”

Më pas Ahmetaj e tha hapur se Balluku ka arritur të ndikojë drejtpërdrejt në përbërjen e qeverisë dhe në vendimmarrjen e Ramës.

“Belinda Balluku emëron ministra dhe e kërcënon Ramën nëse ia prek ministrat. E masakruan ish-ministrin e Shëndetësisë, për një ligj, që do të bëjë ky një kartel të vetin. Protesta është shpëtimi i Shqipërisë”.

Deklarata e Ahmetajt e paraqet Ballukun si një qendër pushteti brenda vetë qeverisë, me njerëzit e saj në kabinet dhe me ndikim të drejtpërdrejtë në institucione kyçe të shtetit.

Por akuzat nuk ndalen te ministrat. Ahmetaj flet për një strukturë të shtrirë në sektorë që kontrollojnë të dhëna, energji, prona dhe fonde publike: AKSH, energji dhe Kadastër.

Sipas tij, kjo strukturë jo vetëm nuk është dobësuar, por vazhdon të funksionojë me të njëjtën forcë.

“Struktura nuk është cenuar. Struktura është më e fortë se kurrë.”

Ahmetaj e lidh këtë pushtet edhe me zhvillimet në Shëndetësi, ku pretendon se ish-ministri u “masakrua” për shkak të një ligji që, sipas tij, Rama kërkon ta përdorë për të ngritur “një kartel të vetin”.

Në pak fjali, ish-zëvendëskryeministri përshkruan një qeveri ku, sipas tij, ministrat nuk janë thjesht zgjedhje të kryeministrit, por pjesë e strukturave të brendshme të pushtetit, ndërsa Balluku ka arritur në pikën që t’i imponojë Ramës njerëzit e saj dhe ta kërcënojë nëse tenton t’i largojë.

Në qendër të denoncimit mbetet fraza më e rëndë e Ahmetajt: “Belinda Balluku emëron ministra dhe e kërcënon Ramën nëse ia prek ministrat.”