Policia serbe ka shoqëruar gazetarin dhe komentatorin sportiv shqiptar Dritan Shakohoxha, vetëm një ditë para zhvillimit të ndeshjes Serbi–Shqipëri. Lajmi bëhet i ditur ekskluzivisht nga CNA, sipas së cilës, përveç Shakohoxhës, janë shoqëruar edhe disa persona të tjerë që ndodheshin në Beograd për sfidën e Kombëtares shqiptare.
Burime të CNA bëjnë të ditur se shoqërimi mund të ketë lidhje me ndeshjen e famshme të vitit 2014, ku Shakohoxha komentoi drejtpërdrejt nga Beogradi ndeshjen që u ndërpre pas incidentit të dronit. Gazetari është ndaluar për kontrolle sapo ka mbërritur në Serbi, ndërsa më pas është lënë i lirë.
Në një prononcim për CNA, Shakohoxha deklaroi: “Unë do të shkoj ta shikoj ndeshjen. Veprime të qëllimshme dhe të papërgjegjshme. Asgjë më shumë se kaq”.
Mësohet se autoritetet serbe kanë hartuar një listë personash, mes tyre gazetarë, komentatorë dhe figura publike shqiptare, për të cilët dyshohet se do të ndalohet hyrja në stadium gjatë ndeshjes Serbi–Shqipëri.
