Një zjarr i fuqishëm ka përfshirë gjatë natës një magazinë me lëndë drusore në fshatin Shullaz të Kurbinit, duke shkaktuar dëme të mëdha materiale.
Për shkak të materialeve të lehta ndezëse brenda ambienteve të magazinës, flakët u përhapën me shpejtësi.
Fatmirësisht nuk ka të lënduar, ndërsa forcat zjarrfikëse të Kurbinit kanë ndërhyrë në kohë dhe kanë arritur të lokalizojnë dhe shuajnë zjarrin pas disa orësh përpjekjesh intensive.
Ndërkohë, grupi hetimor ka nisur veprimet për të përcaktuar shkakun e zjarrit dhe për të sqaruar rrethanat e ngjarjes.
