Një ngjarje e rëndë ka ndodhur mbrëmjen e djeshme në zonën e Matit, ku një 23-vjeçar është gjetur i pajetë pranë liqenit të Shkopetit.
Sipas Policisë, babai i tij, shtetasi R. D., kishte njoftuar më herët në komisariat për humbjen e kontaktit me të birin, pasi ky i fundit nuk ishte kthyer në banesë.
Menjëherë pas kallëzimit, u organizuan kërkime intensive në zonë nga forcat e rendit. Pas disa orësh kontroll, trupi i pajetë i të riut u gjet pranë liqenit. Dyshohet se ai mund të ketë humbur jetën pasi automjeti me të cilin udhëtonte ka rënë në ujë.
Policia ka ngritur një grup të posaçëm hetimor, i cili po punon nën drejtimin e Prokurorisë për të zbardhur të gjitha rrethanat e ngjarjes.
Ekspertiza mjeko-ligjore dhe hetimet në terren pritet të ndihmojnë në zbardhjen e plotë të ngjarjes.
