Një banesë në fshatin Trebinjë të Mokrës është përfshirë nga flakët mesditën e sotme, duke shkaktuar dëme të konsiderueshme materiale.
Zjarri, i favorizuar edhe nga temperaturat e larta, është përhapur me shpejtësi në të gjithë godinën.
Fatmirësisht, familjarët që ndodheshin brenda arritën të dalin në kohë dhe nuk kanë pësuar lëndime.
Banorët e zonës kanë njoftuar menjëherë shërbimin zjarrfikës dhe policinë.
Dyshohet se shkaku i zjarrit ka qenë një shkëndijë elektrike, ndërsa banesa është dëmtuar rëndë. Autoritetet po punojnë për të zbardhur rrethanat e ngjarjes.
