Një apartament i marrë me qira në lagjen nr. 1 të qytetit të Pogradecit ishte përshtatur për ushtrimin e prostitucionit.
Gjatë operacionit u arrestua në flagrancë një shtetase kineze, e identifikuar si Huan Fang, 61 vjeçe.
Ajo akuzohet për “Prostitucion” dhe “Falsifikim të monedhave”, pasi gjatë kontrollit iu gjetën edhe kartëmonedha të dyshuara si të falsifikuara.
Ndërkohë, një tjetër shtetase kineze, 46 vjeç, me inicialet C. L., u shpall në kërkim. Ajo rezulton të jetë rezidente në Kinë dhe dyshohet si bashkëpunëtore në këtë aktivitet të paligjshëm.
Gjithashtu, është proceduar penalisht në gjendje të lirë edhe pronari i apartamentit, një 33-vjeçar nga Pogradeci me inicialet L. Xh., i cili akuzohet për “Mbajtje të lokaleve për prostitucion”.
Gjatë kontrollit janë sekuestruar si prova materiale: shuma parash në valuta të ndryshme, kartëmonedha të dyshuara si false, si dhe katër aparate celularë që dyshohet se janë përdorur për menaxhimin e aktivitetit.
Policia dhe Prokuroria po vijojnë hetimet për të zbardhur të gjithë rrjetin, pasi dyshohet se aktiviteti është mbështetur edhe nga shtetas të tjerë, brenda dhe jashtë Shqipërisë, përfshirë komunikime dhe reklama të organizuara në distancë.
Materialet i janë referuar Gjykatës së Juridiksionit të Përgjithshëm në Korçë për veprime të mëtejshme.
