Një maturant shqiptar ka marrë vëmendje të madhe mediatike në Greqi.
Kjo për shkak se ka arritur rezultate shumë të larta në provimet parauniversitare, shkruan Top Channel.
Sipas mediave greke, bëhet fjalë për Rrahman Lumin, i cili jeton në Halkidiki.
I riu ka arritur rezultate të shkëlqyera, ku në dy prej provimeve u vlerësua me notën maksimale 20.
Ndërsa në dy provimet e tjera, shqiptari arriti që të merrte më shumë se 18.5.
Rrahman Lumi konkuroi në Fakultetin e Inxhinierisë në Universitetin e Selanikut, ku zuri edhe vendin e parë.
Shqiptari tha për mediat helene, se ka në plan të qëndrojë në Greqi, në vendin ku u rrit dhe u arsimua.
