Një zjarr masiv ka përfshirë mesditën e sotme kodrat me ullinj në zonën e Zhupanit, Fier, në vendin e njohur si “Takodrom”.
Flakët, të përhapura me shpejtësi nga era e fortë, janë vënë re fillimisht nga banorët, të cilët kanë njoftuar menjëherë zjarrfikësit.
Dy mjete zjarrfikëse mbërritën në vendngjarje, por për shkak të terrenit të thepisur dhe të paarritshëm, ndërhyrja e drejtpërdrejtë ka qenë e pamundur.
Zjarri ka përpirë një sipërfaqe të madhe me bimësi, përfshirë shkurre dhe ullinj.
Deri tani nuk raportohet për rrezik të menjëhershëm për banesat, pasi ato ndodhen në distancë nga vatra e zjarrit. Autoritetet janë në ndjekje të situatës.
