Një helikopter ushtarak është rrëzuar në rajonin Oryol të Rusisë, duke shkaktuar vdekjen e anëtarëve të ekuipazhit.
Lajmi u bë i ditur nga agjencia shtetërore ruse TASS, e cila citon burime nga komanda e distriktit ushtarak të Moskës.
Incidenti ndodhi pranë fshatit Naryshkino dhe, sipas raportimeve paraprake, shkaku i rrëzimit dyshohet të jetë një defekt teknik.
Guvernatori i rajonit, Andrei Klychkov, konfirmoi në një postim në Telegram se nuk ka pasur dëme në radhët e civilëve.
Ekipet zjarrfikëse ndërhynë menjëherë në vendngjarje dhe arritën të shuajnë flakët që përfshinë mjetin fluturues.
Hetimet janë në zhvillim për të sqaruar plotësisht rrethanat e aksidentit.
