Policia e Fierit ka proceduar penalisht disa shtetas për vepra të ndryshme penale, të ndodhura në zona të ndryshme të qarkut.
Në Mallakastër, një 45-vjeçare është proceduar për braktisje familjare. Shtetasja E. Sh., banuese në Ballsh, dyshohet se është larguar nga banesa duke lënë pas fëmijën e saj të mitur. Kallëzimi u bë nga bashkëshorti i saj.
Ndërkohë, në Elbasan, është proceduar penalisht shtetasi A. Gj., 47 vjeç, pasi dyshohet se ka përdorur për vite me radhë një automjet që nuk figuron në pronësinë e tij, në kundërshtim me ligjin.
Në fushën e qarkullimit rrugor, janë arrestuar dy drejtues mjetesh:
– M. M., 25 vjeç, nga Roskoveci, i cili u kap në timon në gjendje të dehur;
– A. Zh., 19 vjeç, nga Fier, i cili drejtonte një automjet pa leje drejtimi.
Po ashtu, shërbimet e Komisariatit të Fierit arrestuan 55-vjeçarin V. Gj., banor i një lagjeje në Fier, i cili dyshohet se ka kryer veprime të turpshme ndaj mbesës së tij 5-vjeçare.
Sipas burimeve, ai e ka prekur vajzën në zona intime, ndërsa kallëzimi u bë nga nëna e fëmijës.
Të gjitha rastet janë referuar për hetim të mëtejshëm në Prokurorinë pranë Gjykatës së Shkallës së Parë të Juridiksionit të Përgjithshëm Fier.
