Një operacion i gjerë policor ka zbuluar një rrjet trafiku droge, ku janë përfshirë 45 individë, disa prej të cilëve janë figura të njohura dhe kanë qenë të dyshuar për aktivitete kriminale të mëparshme.
Grupi planifikonte të trafikonin deri në 6.7 ton kokainë, 2.5 ton marijuanë dhe disa qindra kilogramë drogë të tjera.
Ky operacion përfshiu disa operacione koduar si “Nada”, “Ibiza” dhe “Armageddon”, duke shkatërruar katër organizata kriminale dhe duke i dhënë fund një aktiviteti që kishte një vlerë mbi 210 milionë euro.
Një nga të dyshuarit më të njohur është Jakša Cvitanović Cvik, një “narkobosi” nga Korcula, së bashku me Marija Gavrić, Hrvoj Kelić dhe Marko Benzon, si dhe Kristijan Palić, i cili u arrestua një vit më parë në Turqi. Kristijan Palić, duke vepruar në vende si Kroaci, Spanjë, Itali, Portugali, Brasil, Kolumbi, Serbi dhe Shqipëri, organizoi një grup kriminal të quajtur “Zagreb”, i cili merrej me eksportimin, transportimin dhe shitjen e kokainës dhe marijuanës. Kokaina vinte nga Amerika e Jugut dhe marijuana nga Shqipëria.
Pjesëmarrësit e tjerë të grupit ishin të përfshirë në pjesë të ndryshme të operacionit, si negociatat, sigurimin e drogës dhe mjeteve për komunikim të sigurt, transportimin dhe shpërndarjen e saj, si dhe mbledhjen dhe transportimin e parave të fituara nga shitja.
