Mediat italiane kanë zbardhur dëshminë e prindërve të Mark Samson, autorit të vrasjes së studentes shqiptare Ilaria Sula.
Pozita e nënës së Markut, Nors Mazlapan, po bëhet gjithnjë e më e ndërlikuar, pasi ajo rrezikon të hetohet bashkë me bashkëshortin e saj, Rik Samson, për ndihmë në vrasje dhe fshehje të trupit.
“Ajo nuk e shihte me sy të mirë. Aq sa nuk e donte as pranë shtëpisë. Një qëndrim që, ndoshta, nuk ishte vetëm pasojë e një mentaliteti kulturor të Nors Mazlapan, nënës së Mark Samsonit, por fshihte diçka më të thellë,” shkruan Corriere della Sera.
Në një intervistë me hetuesit, nënë e Markut ka treguar se nuk e miratonte lidhjen e të birit me Ilarian, duke theksuar se nuk dëshironte që ajo të ishte gjithmonë pranë shtëpisë së tyre.
Ajo ka shpjeguar se kishte frikë se Ilaria do ta shpërqendronte djalin e saj nga studimet, pasi Marku ishte një student i Arkitekturës.
“Nuk doja që Marku ta sillte gjithmonë Ilarian në shtëpi. Kisha frikë se ajo e shpërqendronte shumë: djali im duhet të qëndrojë i përqendruar në studime,” ka thënë ajo.
Ndërkohë, tensioni në komunitetin filipinas po rritet, pasi gazetarët kanë filluar të interesohen për ngjarjen, duke shkaktuar reagime nga familja e Markut, siç është largimi i xhaxhait Emilio me skuter kur pa gazetarët.
Vendi ku u vra Ilaria tani ka vetëm një lule, një karafil i kuq, që simbolizon tragjedinë e ndodhur.
Në dëshminë e saj të parë, nënë e Markut ka thënë se ajo po flinte dhe nuk kuptoi asgjë në lidhje me ngjarjen. Më pas, ajo ka dalë nga shtëpia ditën tjetër, duke i dhënë versionin e saj hetuesve.
Ky version është përballur me skepticizëm dhe dyshime, veçanërisht për shkak të pasigurisë mbi veprimet e prindërve të Markut gjatë natës së vrasjes.
Për momentin, hetimet janë ende në zhvillim dhe mund të ketë seanca pyetjesh të tjera për të sqaruar ngjarjen.
