Policia e Shkodrës ka zbuluar një pako me lëndë të dyshuar plasëse në lagjen “3 Heronjtë”.
Sipas njoftimit, dyshohet që lënda është hedhur disa ditë më parë nga dy persona që po ndiqeshin nga efektivët, pasi nuk iu bindën urdhrit të ndalimit.
Ngjarja ka ndodhur më 26 mars 2025, kur dy të rinjtë po lëviznin me një motor me targë të vjedhur dhe numër shasie të ndryshuar.
Gjatë ndjekjes nga policia, ata e shmangën ndalimin, por më pas u ndaluan dhe u arrestuan.
Gjatë kontrollit të mëtejshëm në motomjet, u gjetën një bidon me lëndë djegëse, një silenciator dhe një sasi kokaine.
Pakoja me lëndë plasëse u sekuestrua si provë materiale në vijim të hetimeve.
