Gjykata e Posaçme e Apelit ka vendosur sot të lërë në burg Samuel Troshanin dhe Izmir Sakicën, të cilët akuzohen për dhunimin e shtetasit Vladimir Bruçi në lagjen “Rus” pas një konflikti për parkimin e automjeteve.
Ata janë dënuar për veprat penale “Plagosja e lehtë me dashje”, “Kanosja” dhe “Mbajtja pa leje e armëve dhe municionit”. Sipas hetimeve, ngjarja ka ndodhur më 3 qershor 2024 në rrugën “Pogej”, ku Bruçi u dhunua fizikisht dhe me sende të forta.
Pas shpalljes në kërkim, Troshani dhe Sakica u vetëdorëzuan sot në ambientet e Policisë së Shkodrës.
Ata dyshohen gjithashtu për përfshirje në atentatin e 30 tetorit 2024 në rrugën Shkodër-Koplik, ku u qëllua me breshëri automatiku drejt makinës së Hamza Licit dhe Arlind Bushatit.
Të dy të pandehurit janë marrë në pyetje nga autoritetet në prani të avokatit të tyre mbrojtës, Sokol Tahiraj.
