Një automjet është përplasur me një ambulancë pranë fshatit Çezme, në Koplik të Malësisë së Madhe. Për pasojë, ka humbur jetën drejtuesi i automjetit, 55-vjeçari Abaz Kuka.
Ndërkohë, dy pasagjerë që ndodheshin në të njëjtin mjet kanë shpëtuar dhe ndodhen jashtë rrezikut për jetën.
Shkodër/Informacion paraprak
Rreth orës 08:35, në aksin rrugor “Shkodër-Hani i Hotit”, autoambulanca me drejtues shtetasin P. S. është përplasur me automjetin me drejtues shtetasin A. K., 57 vjeç dhe 2 pasagjerë.
Si pasojë e aksidentit janë dëmtuar shtetasi A. K., i cili ka humbur jetën në Spitalin Rajonal Shkodër, dhe pasagjerja në automjet, vajza e tij, shtetasja D. K., 18 vjeçe, e cila ndodhet në kujdesin e mjekëve.
Me shtetasin P. S. po kryhen veprimet procedurale.
Grupi hetimor po punon për sqarimin e rrethanave të aksidentit.
