Ajola Xoxa, bashkëshortja e kryebashkiakut të Tiranës, Erion Veliaj, është paraqitur sot në Gjykatën e Posaçme.
Ajo është lënë në masën “detyrim paraqitje” lidhur me dosjen Veliaj, ku akuzohet për përfshirje në skema abuzimesh me fondet publike.
Sipas SPAK, Veliaj dhe Xoxa janë akuzuar për krijimin dhe funksionimin e një mekanizmi që ka mundësuar përfitime të paligjshme nga fondet publike të administruara nga Bashkia e Tiranës, me qëllim pasurimin personal dhe familjar përmes veprimeve të kundërligjshme dhe të kamufluara.
