Policia e Durrësit ka zbardhur ngjarjen e djegies së një automjeti, e ndodhur dy javë më parë, dhe ka identifikuar e arrestuar autorin e dyshuar.
Ai është shtetasi Emilian Basha, 32 vjeç, banues në Durrës, i cili dyshohet se ka djegur automjetin e shtetasit G. Gj. më 13 shkurt 2025, në lagjen nr. 10 të qytetit.
Gjatë kontrollit të banesës së tij, policia ka gjetur dhe sekuestruar një sasi lënde narkotike, kanabis sativa.
Policia bën të ditur se shtetasi Basha është kapur pas hetimeve të kryera dhe është vënë në pranga për veprat penale “Shkatërrimi i pronës me zjarr” dhe “Prodhimi dhe shitja e narkotikëve”.
