Hamasi ka publikuar zyrtarisht listën e pengjeve që do të lirohen sot, ku përfshihen Omer Shem Tov, Elia Cohen, Omer Wenkert, Tal Shoam, Avra Mengishtu dhe Hisham El-Sayed.
Sipas kushteve të marrëveshjes së armëpushimit, në këmbim të lirimit të tyre, më shumë se 600 palestinezë pritet të dalin nga burgjet izraelite.
Ky zhvillim tregon se, pavarësisht tensioneve të fundit, armëpushimi i arritur mes palëve vijon të zbatohet.
Një nga pikat e debatit të fundit ka qenë çështja e pengut Shiri Bibas, për të cilin Izraeli ka pretenduar se trupi i tij nuk është kthyer siç ishte rënë dakord.
Nga ana tjetër, Hamasi ka mohuar të mbajë trupa peng, duke theksuar se po respekton plotësisht marrëveshjen.
Organizata gjithashtu ka sqaruar se katër pengjet e dorëzuar të enjten ishin vrarë gjatë një sulmi ajror izraelit në nëntor 2023 dhe dëmet nga bombardimet mund të kenë shkaktuar keqidentifikime të trupave.
