Një alarm për bombë është raportuar paraditen e së premtes në kolegjin privat ‘Turgut Ozal’ në Tiranë.
Forcat xheniere janë dërguar në vendngjarje për të hetuar nëse ka një mjet shpërthyes të pranishëm ose nëse bëhet fjalë për një alarm të rremë, siç ka ndodhur edhe më parë në institucione të tjera arsimore.
“Ju informojmë se në shkollë është dërguar një email dhe duhet që nxënësit të largohen për në shtëpi. Po bashkëpunojmë me policinë. Nuk ka panik dhe të gjithë fëmijët janë shumë mirë! Transporti i fëmijëve do të jetë me furgon ose nga ana e prindërve nëse ka mundësi. Do mbetemi në kontakt. Mësuesja kujdestare”, ky është mesazhi që iu është dërguar prindërve të fëmijëve që mësojnë në këtë shkollë.
