Gjykata e Posaçme ka vendosur të mbajë në fuqi masën e sigurisë “arrest në burg” për Samuel Troshanin dhe Izmir Sakicën, të arrestuar për përplasjen me armë që ndodhi në gusht të vitit 2024 në Rranxë të Bushatit.
Në seancën gjyqësore, të cilën ata e ndoqën nëpërmjet avokatit të tyre, Sokol Tahiraj, dështoi marrja në pyetje e të akuzuarve, pasi ata nuk ishin të pranishëm.
Seanca u përqendrua vetëm në rivlerësimin e masës së sigurisë.
Përveç kësaj, autoritetet po vazhdojnë kërkimet për Aleksandër Prendin, të cilin e dyshojnë si një nga protagonistët kryesorë të ngjarjes.
