Policia e Tiranës ka finalizuar operacionin e koduar “Brand”, ku është arrestuar në flagrancë 27-vjeçari Niki Xara.
Ky i fundit dyshohet se ka përvetësuar dhe shitur monopatina dhe biçikleta elektrike të vjedhura. Gjatë kontrolleve të kryera në dyqanin e tij, janë sekuestruar 74 monopatina, 3 patina elektrike dhe 3 biçikleta elektrike, të cilat dyshohet se janë vjedhur nga autorë të panjohur.
Xara është arrestuar për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.
Hetimet janë ende në vazhdim për të identifikuar dhe kapur autorët e vjedhjes së këtyre mjeteve dhe për të dokumentuar plotësisht këtë aktivitet kriminal.Materialet procedurale janë dërguar në Prokurorinë e Tiranës për veprime të mëtejshme.
