Policia e Lushnjës ka arrestuar tre persona të përfshirë në trafik droge dhe prostitucion.
Gjatë një operacioni në një servis automjetesh, ku dyshohej për aktivitet të paligjshëm, u ndaluan një 40-vjeçar nga Lushnja dhe një 62-vjeçar nga Dushku, të akuzuar për shpërndarje kokaine.
Gjatë kontrollit, policia gjeti sasi droge të ndara në doza gati për shitje.
Gjithashtu, u arrestua një 44-vjeçar nga Kuçova, i cili po blinte drogë në këtë servis.
Ai ishte shoqëruar nga një 24-vjeçare, e cila dyshohet se shfrytëzohej për prostitucion. Në vendngjarje u sekuestruan lëndë narkotike, peshore dhe disa telefona celularë.
Njoftimi:
A. S., 40 vjeç, banues në Lushnjë dhe B. T., 62 vjeç, banues në Dushk, Lushnjë, pasi gjatë kontrollit në ambientet e servisit në administrim nga shtetasi A. S., në të cilin ishte i punësuar shtetasi B. T., shërbimet e Policisë gjetën sasi lënde të dyshuar narkotike kokainë, e ndarë në doza, gati për shitje;
Z. S., 44 vjeç, banues në Kuçovë. Ky shtetas kishte shkuar në ambientet e servisit, për të blerë lëndë narkotike, i shoqëruar nga një shtetase 24 vjeçe nga Kuçova, të cilën dyshohet se ai e shfrytëzonte për prostitucion.
