Gjatë një kontrolli në territorin e fshatit Zgafnor, në Zall-Herr, shërbimet e Policisë kanë zbuluar të djegur një automjet tip “Porsche”, të dyshuar si i përdorur nga autorët e ngjarjes.
Në brendësi të tij, u gjet një armë e gjatë, që dyshohet të jetë arma e përdorur në krim.
Gjatë verifikimeve të targa, u zbulua se ato ishin të vjedhura në Kamëz që në muajin prill 2023.
Një grup hetimor po punon intensivisht për identifikimin dhe kapjen e autorëve, si dhe për dokumentimin e plotë të ngjarjes.
Njoftim:
Në vijim të informacionit paraprak të dhënë më parë për vrasjen e shtetasit L.V., ju informojmë se:
Në fshatin Zgafnor, në Zall-Herr, gjatë kontrollit të territorit nga shërbimet e Policisë është konstatuar i djegur një automjet tip “Porsche” i dyshuar i përdorur nga autori/ët e ngjarjes.
Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët.
Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
Vijon puna intensive nga grupi i posaçëm hetimor për identifikimin dhe kapjen e autorit/ve si dhe për sqarimin e rrethanave dhe dokumentimin ligjor të ngjarjes.
