Një kontroll është realizuar dje pasdite në apartamentin 11/4 të godinës “Sky Tower”, në kuadër të hetimeve për Erion Veliajn, me kërkesë të prokurorëve Olsi Dado dhe Altin Dumani dhe me vendim të GJKKO.
Bëhet fjalë për një depo ku mbahen materiale të ndryshme për artistët, si bojra dhe materialet e tjera përkatëse.
Kontrolli ka ardhur pas vendimit të gjykatës dhe dyshohet se apartamenti përdorej nga Ajola Xoxa, bashkëshortja e Veliajt, dhe kompania e saj “Harabel”, e cila gjithashtu ushtron aktivitetin në të njëjtën godinë.
Ky vendim është firmosur nga gjyqtarja Atalanta Zeqiraj, ndërsa kontrolli është realizuar nga BKH.
