Kuvendi i Shqipërisë miratoi në orët e vona të mbrëmjes së kaluar ligjin për faljen e gjobave të papaguara për ndërtimet pa leje në zonat rurale dhe urbane, të vendosura nga 1 janari 2015 deri më 30 nëntor 2024.
Ligji kaloi me 73 vota pro, pa asnjë votë kundër apo abstenim.
Po ashtu, ligji parashikon faljen e gjobave të vendosura gjatë pandemisë për shkeljen e rregullave, si dhe të atyre nga AKU për subjektet bujqësore dhe blegtorale në fshat.
Megjithatë, Kuvendi rrëzoi amendamentin e Partisë Demokratike që kërkonte anulimin e detyrimeve të prapambetura.
Seanca u shoqërua me debate të ashpra dhe tensione mes mazhorancës dhe opozitës.
Nuk munguan akuzat mes deputetëve dhe ministrave, ndërsa situata eskaloi gjatë një përplasjeje mes Flamur Nokës dhe Agron Shehajt.
Ky i fundit bllokoi foltoren dhe, pas një përplasjeje fizike, u shoqërua jashtë sallës nga Garda e Republikës.
