Bardhosh Tozaj, babai i 14-vjeçarit me inicialet V.T., ka komentuar sot për mediat pas shoqërimit të djalit të tij.
Ai shpjegoi se djali i tij dhe shokët e tij kishin gjetur armën në një objekt të pabanuar dhe kishin krijuar një video me të për ta shpërndarë në TikTok, duke e fshehur më pas.
Babai theksoi se, pas shpërndarjes së videos, ai kontaktoi menjëherë drejtorinë e shkollës dhe policinë.
Marr shkas nga një video që ishte shpërndarë mbrëmë në rrjetet sociale, sikur djali im ka qarkulluar në shkollën 9-vjeçare ‘Rilindja’ me një pistoletë, ky është një lajm i rremë. Informacionin policisë ia kam dhënë unë, marr shkas nga një video e djalit tim me shokët në mal me pistoletë. Kishte një problem tjetër në shkollë, ku qarkullon një lojë, ku hedhin një shok dhe e presin dhe videot i nxjerrin në TikTok. Është lojë e rrezikshme dhe për këtë arsye, unë isha në një mbledhje me drejtoreshën, mësuesen kujdestare dhe një psikologe.
U thashë që kam parë një video, por nuk isha i sigurt nëse pistoleta ishte e vërtetë apo lodër. Ne u takuam me punonjësit e policisë në shkollë, ata panë videon me djalin dhe kuptuan se nuk ishte pistoletë lodër. Pistoletën e kanë gjetur në një objekt të pabanuar. E kanë marrë, kanë shkuar në mal, kanë bërë video në TikTok dhe më pas e kanë fshehur. Kishin gjetur edhe tre karikatorë. Djali nuk ka pasur probleme më parë, vetëm zënka në shkollë, se 14 vjeç
Policia, pas hetimeve dhe bashkëpunimit me psikologët dhe prindërit, konfirmoi se arma ishte një pistoletë e vërtetë dhe u gjet me 130 fishekë në një motomjet pranë një banese. Policia është duke vijuar hetimet për të identifikuar personin që ia dha armën të miturit. Djali u arrestua për armëmbajtje pa leje.
