Kreu i Partisë Demokratike, Sali Berisha, ka deklaruar se në zgjedhjet e 11 majit PD do të garojë si pjesë e një koalicioni të gjerë, duke bashkëpunuar me çdo forcë politike që synon rrëzimin e qeverisë Rama.
Berisha veçoi Partinë e Lirisë dhe figura si Agron Shehaj, Adriatik Lapaj dhe Endri Shabani, duke theksuar se largimi i qeverisë aktuale është prioriteti kryesor.
“Do të ndërtojmë një koalicion me të gjitha forcat politike që besojnë se Edi Rama është e keqja më e madhe për Shqipërinë dhe shqiptarët. Emigrimi masiv, me mbi 40% të popullsisë që kanë lënë vendin, përbën një genocid të vërtetë të kalkuluar ndaj popullit shqiptar,” deklaroi Berisha.
