Gazment Bardhi, kryetari i Grupit Parlamentar të PD, ka ngritur shqetësimin për situatën në Gjykatën Kushtetuese gjatë një seance në Kuvend, duke kërkuar një seancë dëgjimore urgjente me kryetaren e këtij institucioni, Holta Zaçaj.
Zaçaj ka deklaruar mbarimin e mandatit të saj dhe ka denoncuar presione politike, ekonomike dhe mediatike mbi anëtarët e Gjykatës Kushtetuese. Bardhi theksoi se kjo çështje rrezikon funksionimin e dy institucioneve kyçe, Gjykatës Kushtetuese dhe Gjykatës së Lartë, duke ngritur shqetësime për pasojat që mund të ketë mbi shtetin dhe të drejtat e njeriut.
“Kjo situatë mund të çojë në një ngërç institucional, ku disa anëtarë të Gjykatës Kushtetuese qëndrojnë me dhunë në detyrë, ndërsa të tjerë zgjidhen nga organet e emërtesës, duke sjellë pasoja për Shqipërinë edhe në Gjykatën Europiane të të Drejtave të Njeriut,” tha Bardhi.
Ai kërkoi që Kuvendi të mos qëndrojë jashtë debatit dhe të trajtojë me urgjencë këtë çështje kritike.
