Policia e Dibrës ka finalizuar operacionin “Kamuflimi” në bashkëpunim me Seksionin për Hetimin e Narkotikëve dhe Komisariatin e Policisë Dibër, duke arrestuar në flagrancë dy shtetas, H.G., 23 vjeç, dhe S.R., 24 vjeç, banues në Peshkopi.
Gjatë kontrollit në një lokal të përdorur nga 24-vjeçari, policia ka zbuluar dhe sekuestroi lëndë narkotike të dyshuar kanabis, të ndarë në doza si cigare, sasi të tjera të papërpunuara, një grirëse dhe pesë aparate celular.
Hetimet treguan se dy të rinjtë përpunonin kanabisin, duke e ndarë në cigare dhe e kamuflonin duke e futur në paketa duhani.
Materialet procedurale i janë dorëzuar Prokurorisë për hetime të mëtejshme.
