Shoku i Martin Canit, Luis Meçe, dhe familjarët e tij kanë shprehur mirënjohjen për mbështetjen që kanë marrë nga shumë persona.
Po ashtu, Luisi u shpreh për Top Channel para se të nisej drejt Italisë për një trajtim më të specializuar mjekësor se ndihet mirë, por kërkon vetëm drejtësi.
“Jam më mirë. Unë dua veç drejtësi”, u shpreh Luisi.
Ndërsa babai i Luisit tha se spitali nuk dha garanci dhe as nuk firmosi që djali mund t’i rikthehet sportit, ndaj kanë vendosur për një trajtim më të mirë.
“E di çfarë ka thënë spitali por që ata nuk më dhanë garanci as firmosën që djali mund ti rikthehet sportit. Ndaj dua të qetësohem me një trajtim më të mirë. Se djali ka pasion futbollin. Si çdo prind do përpiqej për fëmijën e tij! Pres përfundimin e hetimit. Nuk mund të arrijmë në konkluzione. Më tha babi i Martinit që e ka si djalin e tij,” tha i ati i Luisit.
