Kryeministri Edi Rama do të mbledhë sot Kryesinë e Partisë Socialiste për të zyrtarizuar Blendi Klosin si drejtues politik të qarkut të Dibrës, si dhe për të miratuar ndryshimet e tjera brenda partisë.
Në këtë mbledhje do të diskutohet gjithashtu përgatitja e organizimit për zgjedhjet parlamentare të vitit 2025.
Rama ka filluar përgatitjet për zgjedhjet shumë më herët dhe ka deklaruar se PS do të arrijë një rezultat historik, të ngjashëm me atë të vitit 1997.
Ndërkohë, opozita po zhvillon po ashtu organizimin për zgjedhjet e ardhshme, me kryedemokratin Sali Berisha që ka premtuar fitore dhe rotacion politik.
Presidenti Bajram Begaj ka dekretuar datën e zgjedhjeve të ardhshme parlamentare për 11 maj 2025.
