Nga data 3 deri më 5 dhjetor, në Tiranë do të zhvillohet Ministeriali i Mbrojtjes, në kuadër të Iniciativës SHBA-Karta e Adriatikut (A-5), një aktivitet i rëndësishëm për përforcimin e bashkëpunimit dhe integrimit të Ballkanit Perëndimor në strukturat euroatlantike.
Pjesëmarrës në këtë ngjarje do të jenë përfaqësues të lartë nga SHBA, Bosnje Hercegovina, Kroacia, Sllovenia, Maqedonia e Veriut, Mali i Zi, Kosova dhe Serbia.
Në këtë takim pritet të marrë pjesë Ndihmëssekretarja amerikane e Mbrojtjes për Marrëdhëniet Ndërkombëtare, znj.
Celeste Wallander, e cila do të bashkëbisedojë me ministrin e Mbrojtjes së Shqipërisë, z. Pirro Vengu, për çështje të sigurisë rajonale dhe proceset integruese të vendeve të Ballkanit.
Në axhendë janë diskutime të rëndësishme, si lufta në Ukrainë dhe pasojat e saj në Evropën Juglindore, sfidat e sigurisë në Ballkanin Perëndimor dhe zgjerimi i Iniciativës SHBA-Karta e Adriatikut.
Në fund të punimeve, vendet pjesëmarrëse do të nënshkruajnë një deklaratë të përbashkët.
