Gjatë natës, reshjet e dendura shkaktuan bllokimin e nënkalimit në Fushë Mamurras.
Reshjet kanë vazhduar me intensitet të lartë edhe në orët e para të mëngjesit, duke krijuar vështirësi në qarkullimin e automjeteve në autostradën Milot – Qafë Kashar, pranë nënkalimit të bllokuar.
Si pasojë e përmbytjes, niveli i ujit ka arritur deri në 40 cm, për shkak të bllokimit të zgarave të kullimit nga mbetjet.
Aktualisht, po pritet ndërhyrja e punonjësve të bashkisë së Kurbinit për pastrimin e mbetjeve dhe rikthimin e normalitetit në zonë.
