UEFA ka zgjedhur katër arbitra shqiptarë për të menaxhuar ndeshjen e rëndësishme në Conference League mes Luganos dhe Gent. Gjyqtari kryesor do të jetë Enea Jorgji, i cili do të mbështetet nga Denis Rexha dhe Ridiger Çokaj si asistentë të krahëve, ndërsa Eldorjan Hamiti do të jetë arbitër i katërt.
Për sistemin VAR, do të kujdeset italiani Marco Di Bello, i cili do të ketë si ndihmës Kreshnik Barjamaj.
Të dyja skuadrat kanë grumbulluar 6 pikë në katër ndeshje dhe janë në zonën e “play off”, duke kërkuar fitore për të afruar objektivin e kualifikimit.
