Një operacion policor blic u realizua gjatë natës të së dielës në qytetin e Elbasanit, ku u arrestuan disa persona.
Sipas burimeve, u arrestua ish-gjyqtarja Pajtime Fetahu, për të cilën Gjykata e Posaçme e Shkallës së Parë (GJKKO) kishte caktuar më parë masën e sigurisë “arrest në shtëpi”.
Emri i saj doli gjatë hetimeve të operacionit “Plumbi i Artë 2” të SPAK, lidhur me lidhjet e saj me grupe kriminale.
Ky operacion kishte për pasojë lëshimin e më shumë se 30 urdhërarresteve.
Po ashtu, gjatë këtij aksioni u arrestua edhe ish-kreu i Gjykatës së Elbasanit, Zihni Shahu, i cili dha dorëheqjen disa muaj pas nisjes së procesit të Vettingut.
Burimet njoftojnë gjithashtu se janë realizuar kontrollime në disa biznese të mëdha në Elbasan, si dhe në banesat e familjarëve të personave të përfshirë në aktivitete kriminale të rënda.
