Në protestën e sotme për Martin Canin, para Ministrisë së Arsimit, ku prindërit dhe bashkëmoshatarët e të riut të goditur me thikë në zemër shpërthyen në fjalime të mbushura me dhimbje, punonjëset e Ministrisë së Shëndetësisë, drejtuar nga Ogerta Manastirliu, dukeshin të shqetësuara dhe të bezdisura nga protesta që zhvillohej poshtë.
Një nga këto punonjëse, e dukshme për shqetësimin e saj, kërkoi me ngulm mbylljen e protestës, duke bërë me shenjë nga dritarja. Kjo situatë ka ngritur një pyetje të madhe: kujt i drejtohet ajo dhe çfarë autoriteti ka për të urdhëruar ndërprerjen e protestës?
Sipas një postimi të blogerit Olti Curri në Instastory, qytetarët kanë identifikuar punonjësen si Elvira Bazen, kunatën e presidentit Bajram Begaj, një detaj që shton më tej konfuzionin dhe dyshimet rreth lidhjeve të mundshme politike që mund të ndikojnë në zhvillimet e protestës.
