Një shofer kamioni me shtetësi turke, A.D., është proceduar penalisht nga policia në pikën kufitare të Kapshticës, pasi tentoi të nxirrte jashtë Shqipërisë një shumë parash pa i deklaruar.
Gjatë kontrollit në kamionin që ai drejtonte, u gjet një çantë krahu që përmbante 27,915 euro dhe 2,935 dollarë.
Shuma e parave u sekuestrua si provë materiale, ndërsa shoferi akuzohet për veprën penale “Mosdeklarimi në kufi i të hollave dhe sendeve me vlerë”.
“Gjatë kontrollit të shërbimeve të Policisë Kufitare të PKK Kapshticë, në vijën e dytë, në kamionin që drejtohej nga 50-vjeçari, u gjet e fshehur në kabinën e kamionit, një çantë krahu me 27 915 euro dhe 2935 dollatë, të cilat ky shtetas po tentonte t’i nxirrte nga vendi ynë, pa i deklaruar në pikën e kalimit kufitar”, thuhet në njoftimin e policisë.
