Shtetasi Kiri Mernica është dënuar me 12 vjet burgim pasi u shpall fajtor për veprën penale “Vrasje me dashje”.
Ngjarja ndodhi në vitin 2021 në Fier, ku Pashk Palnikaj u plagos me armë zjarri.
Kiri Mernica është vëllai i Azgan Mërnicës, i cili, në maj të këtij viti, kreu një vrasje duke qëlluar me armë zjarri efektivin e policisë së Fierit, Novruz Cenalia.
Vendimi i Gjykatës së Apelit të Juridiksionit të Përgjithshëm, i shpallur më 19.11.2024, është si vijon:
– U la në fuqi vendimi nr. 583, datë 04.12.2023, i Gjykatës së Shkallës së Parë të Fierit, përsa i përket fajësisë dhe dënimit të të pandehurve K. M, L. B dhe R. M, lidhur me veprat penale të parashikuara nga nenet 323/1 dhe 278/1 të Kodit Penal, si dhe provat materiale dhe shpenzimet gjyqësore.
– U ndryshua vendimi nr. 583 për disa pika të tjera:
1. K. M u shpall fajtor për “Vrasje me dashje” sipas neneve 76, 22 dhe 25 të Kodit Penal dhe u dënua me 11 vjet burgim. Dënimi i tij u bashkua me një tjetër dënim prej 12 vitesh burg.
2. R. M u shpall gjithashtu fajtor për “Vrasje me dashje” sipas të njëjtave dispozita ligjore dhe u dënua me 11 vjet burgim, me bashkimin e dënimit në një total prej 12 vjetësh.
3. L. B u shpall fajtor për “Vrasje me dashje”, u dënua me 11 vjet burg dhe gjithashtu iu bashkua dënimi për të njëjtën periudhë 12 vjeçare.
4. M. M u shpall gjithashtu fajtor për “Vrasje me dashje” dhe dënimi i tij ishte 11 vjet burgim, të bashkuara gjithashtu në një dënim total prej 12 vjetësh.
– Të katër të pandehurit do të vuajnë dënimin në një burg të sigurisë së zakonshme.
