Një konflikt mes dy nxënësve pas përfundimit të orarit mësimor pranë shkollës “Fan Noli” në Tiranë ka përfunduar tragjikisht me vdekjen e një 14-vjeçari me iniciale L.C.
Ai nuk ka mundur të mbijetojë për shkak të plagëve të rënda në bark dhe zemër.
Gjendja e nxënësit tjetër, 15-vjeçar, që ka marrë plagë në gjoks, raportohet të jetë stabël.
Ngjarja është rënduar edhe më tej nga vonesa e ambulancës për të mbërritur në vendngjarje, duke bërë që një grua të transportojë të miturin në spital me makinën e saj.
Sipas raportimeve paraprake, shkak për sherrin dyshohet të ketë qenë një vajzë, megjithëse kjo ende nuk është konfirmuar.
Ngjarja ka tronditur komunitetin dhe nxënësit, të cilët ndodheshin aty në momentin e përfundimit të mësimit.
Policia vijon hetimet për zbardhjen e plotë të rrethanave.
