Aksidenti i rëndë rrugor në aksin Maliq-Pojan ka shkaktuar plagosjen e 7 personave, prej të cilëve njëri ndodhet në gjendje kritike në repartin e reanimacionit të spitalit rajonal të Korçës.
Sipas raportimeve, përplasja ka ndodhur në kryqëzimin e fshatit Pendavinj midis një automjeti me targa greke dhe një furgoni mallrash, që janë përplasur kokë më kokë.
Autoritetet shëndetësore kanë konfirmuar se gjendja e 6 të plagosurve të tjerë është jashtë rrezikut për jetën.
Ndërkohë, policia vijon hetimet për të përcaktuar shkaqet e sakta të aksidentit, ku dyshimet e para lidhen me mosrespektimin e sinjalistikës rrugore nga një prej mjeteve të përfshira.
