Lidhur me ngjarjen e rëndë ku mbetën të vrarë 4 viktima në Shkodër, policia ka ushtruar kontrolle në dy klinika mjekësore private.
Kontrolle janë ushtruar pasi dyshohet se në këto klinika është paraqitur personi i tretë i dyshuar, i cili ka marrë mjekim.
Policia ka sekuestruar pamjet e kamerave të sigurisë, gjithashtu ka dërguar në ekzaminim në laborator prova të marra nga vendngjarja,si profile biologjike, fije floku, gjurmë gishti profile djerse dhe gjaku për të zbuluar gjurmë të ADN-ve.
Ndërsa nga gjurmimi i kamerave të sigurisë u zbulua se makina e autorëve e ka ndjekur makinën që lëvizte Lici, Bushati dhe personi i tretë nga unaza perëndimore e Shkodrës, lagjja “Kiras”.
Makina “Range Rover Sport” është konfirmuar se është vjedhur në Durrës, dhe është denoncuar nga pronarët më 17 prill të këtij viti.
Numri i shasisë është arritur të rikuperohet nga ekspertët.
Hetimet janë përqendruar në këtë drejtim për të shkuar te hajdutët për t’i identifikuar.
