Përfaqësuesit e Partisë Demokratike dhe qytetarët janë mbledhur para bashkisë së Shkodrës në atë që u quajt si marshim-solidariteti kundër kriminalitetit.
Një qytetare, shprehu zemërimin e saj kundrejt qeverisë.
“Isha në varreza, nuk më rrihej në shtëpi. Janë djem nënash, ndërsa policia bën sehir. Në vend që të ndihmojnë, ata dalin të vendosin gjoba. Akoma nuk janë gjetur autorët, në mes të Shkodrës, në pedonale. Nesër na ndodh të gjithëve. Ku është shteti, se po kërcet pushka.
Ndërsa, drejtuesi politik i qarkut Shkodër, Luçiano Boçi, tha se është një akt në vazhdim të mosbindjes civile. Jo shumë i dëshiruar nga ne, por i shtyrë nga ngjarja tragjike që ndodhi në Shkodër, e cila shpërfaqi atë të vërtetë që PD e ka denoncuar.
Gjithashtu, kreu i Grupit Parlamentar të PD-së, Gazment Bardhi tha se çdo qytetar duhet të shprehë mosdakordësinë e tij ndaj pushtetit që ka marrë krimi i organizuar.
